Լուսինե Ալեքսանյան, Երևան 

Տնտեսագետ, Մարմարե Արծվի մրցանակակիր (Գարուն 2017թ) 

Հարցը


Ասյա Աղեկյան, Երևան
Քիմիական գիտությունների թեկնածու 
Մարմարե Արծվի մրցանակակիր (Աշուն 2016թ.) 

Ընթերցել հարցը:
Մհեր Նաղդալյան, Գետիկ 
Մարմարե Արծվի մրցանակակիր (Գարուն 2015թ.)

Շինարարական ընկերության 
այս գովազդում մի խորհուրդ կա. «... երեխաների համար բնակարան գնեք:» Սա նախորդում է կարճ ու հստակ մի հարցի, որը մենք թաքցրել ենք: 

Ուշադրություն, հարցը
Ինչպե՞ս է հնչում գովազդն ամբողջությամբ: 

Ուշադրություն, ճիշտ պատասխանը 
Ընտանիքի շարունակության գրավականը երեխաներն են, ովքեր մեծանալուց հետո ունենում են իրենց երեխաները: Շինարարական ընկերության գովազդը սկսվում է հարցով՝ «Ուզու՞մ եք թոռներ ունենալ, երեխաների համար բնակարան գնեք »:
Գայանե Հակոբյան, Իվանտեևկա, Ռուսաստան  
Դիզայներ 
Մարմարե Արծվի մրցանակակիր (Ձմեռ 2014թ.)
Ուշադրություն, խոհարարների միջազգային կազմակերպության խորհրդանիշը. 
1989թ. ստեղծված այս կազմակերպությունն ամեն տարի աշխարհի տարբեր քաղաքներում անցկացնում է փառատոն, որտեղ կարելի է համտեսել տարատեսակ ու օգտակար սնունդ:
Ուշադրություն, հարցը
Ինչպե՞ս են խոհարարներն անվանել իրենց կազմակերպությունը: 
Ուշադրություն, ճիշտ պատասխանը
Խոհարարների կազմակերպություն, ցանկացողները փառատոնի ժամանակ կարող են համտեսել տարատեսակ և օգտակար սնունդ, կազմակերպության խորհրդանիշը` խխունջն է: «Slowfood»`«դանդաղ սնունդ», այսպես է կոչվում կազմակերպությունը, որը խոհարարները ստեղծել են ի հակառակ «Արագ սնունդին» («Fast food»):
Մուրազ Շամոյան, Երասխահուն 
Իրավաբան 
Մարմարե Արծվի մրցանակակիր (Աշուն 2014թ.)
Հարցը
Ի՞նչն է հումանիստ Նելսոն Մանդելան համարել այն ուժը, որն ունակ էր փոխել ու միավորել աշխարհը կառավարությունից ավելի արագ: 
Պատասխանը
Ուժ, կործանում է մեծ արգելքներ, արագ փոխում է աշխարհը:
Հումանիստ Նելսոն Մանդելան կարծես կրկնում է օլիմպիական հայտնի կարգախոսը՝ «ուժեղ, բարձր, արագ»: Նելսոն Մանդելան այդպես ասում էր սպորտի մասին:
Աննա Անտոնյան, Երևան  

Գիտաշխատող 

Մարմարե Արծվի մրցանակակիր (Գարուն 2014թ.) 

Հարցը
Սկսել հենց հիմա, առանց հատուկ ջանքերի, մանր քայլերով, հետևել ժամին՝ համոզվելու համար, որ այն իրականում երկար չի տևում, ցուցաբերել գեղարվեստական մոտեցում, ժպտալ և պարծենալ, կատարել ամենը թեթևությամբ՝ կարծես թռչելով:

Ուշադրություն, հարցը:

Ե՞րբ կարող է այս՝ «Ճախրող կին» կոչվող մեթոդն օգտակար լինել:

Պատասխան
Որպես չափազանց օգտակար «Ճախրող կին» մեթոդը խորհուրդ է տրվում բնակարանի մաքրման ժամանակ:
Միսակ Մարկոսյան, Երևան 
Իրավաբանական գիտությունների թեկնածու 
Մարմարե Արծվի մրցանակակիր
(Ձմեռ 2011թ.) 
Հարցը
Ուշադրություն, սև արկղ:
Առաջին անգամ` մեղր, մեղրամոմ և քիսա 1983թ.ին: 1985-ին՝ լոլիկներ:Պանիր և հայելի, օրինակ՝ 1993թ.-ին:
Լավաշ և ժամացույց՝ 1996-ին: Եվ այսպես շարունակ:
Բոլոր այս իրերին միավորում է այն, ինչ այս պահին գտնվում է սև արկղում:
Ուշադրություն, հարցը:
Ի՞նչ է սև արկղում:

Պատասխան
Բոլոր այս իրերը՝ մեղրը, պանիրը, ժամացույցը, մեղրամոմը և այլն, եղել են սև արկղում «Ի՞նչ, որտե՞ղ, ե՞րբ:» հեռուստախաղի տարբեր հաղորդումներում:
Էլզա Ստեփանյան, Սիսիան 
Ուսուցչուհի 
Մարմարե Արծվի մրցանակակիր (Աշուն 2011թ.)
Պարոն Բալյան, Հայաստանում կա՞ն արդյոք հեռուստատեսային հաղորդումներ, որոնք Ձեզ օգնում են ազատվել սթրեսից և հանգստանալ:
Մի քանի տարի առաջ Ճապոնիայի Հոկայդո կղզում ի հայտ եկավ մեծ ժողովրդականություն վայելող այդպիսի հաղորդում: Օրը 24 ժամ ցուցադրում էին միայն այն, ինչ գտնվում է մեզ մոտ՝ կուլիսների ետևում:
Ուշադրութուն, հարցը:
Ի՞նչ է գտնվում է կուլիսների ետևում:

Պատասխան
Մի քանի տարի առաջ Հոկայդո կղզում մեկնարկեց մի հեռուստահաղորդում, որը բնակիչներին օգնում է ազատվել սթրեսից և հանգստանալ: Օրը 24 ժամ այդ հաղորդման եթերում ցուցադրվում է ձկներով ակվարիում:
Զարինա Բարսեղովա, Լեռնագոգ  

Տնային տնտեսուհի 

Մարմարե Արծվի մրցանակակիր (Գարուն 2011թ.)  

Հարցը
Պարոնայք, լսեք բրազիլական հեքիաթը:
Մի անգամ քարն ու բամբուկը վիճում են, թե ինչպիսին պետք է լինի մարդու կյանքը:
-Մարդու կյանքը պետք է լինի այնպիսին, ինչպիսն իմն է՝ անմահ,- ասաց քարը:
-Ո′չ,- պատասխանեց բամբուկը,- մարդու կյանքը պետք է լինի այնպիսին, ինչպիսին իմ կյանքն է: Շուրջդ նայիր…
Ուշադրություն, հարցը:
Ի՞նչ տեսավ քարը: Ինչպե՞ս իր տեսակետը բացատրեց բամբուկը:

Պատասխան
Բամբուկն իր տեսակետն այսպես բացատրեց.
-Մարդու կյանքը պետք է լինի այնպիսին, ինչպիսին իմ կյանքն է, քանի որ և՛ մարդը, և՛ ես մահանում ենք: Բայց նայիր շուրջդ, ամենուրեք բամբուկ է աճում. նրանք իմ երեխաներն են: Ես մահանում եմ, սակայն վերածնվում եմ երեխաներիս մեջ:
Մարդը նույնպես պետք է վերածնվի իր երեխաների մեջ:
Ռուզաննա Սիմոնյան, Երևան 

Հայաստանի ռադիոյի աշխատակից 

Մարմարե Արծվի մրցանակակիր
(Աշուն 2010թ.) 


Հարցը
Ուշադրություն. սոխ և սխտոր:
Պատկերացրեք՝ 16-րդ դարն է։ Պորտուգալիան դեպի Հնդկաստան մեծ արշավի է պատրաստվում: Նավերի անձնակազմի համալրման համար անհրաժեշտ է 1500 մարդ: Արշավը գլխավորող Ֆրանցիսկո Ալմեյդան անսպասելի խնդրի առջև է կանգնում, բայց այն լուծում է է սոխի և սխտորի միջոցով:
Ուշադրություն, հարցը:
Ի՞նչ դժվարության էր բախվել պորտուգալացի ծովագնացը:

Պատասխան
Նավերը կոմպլեկտավորելիս Ֆրանցիսկոն նկատեց, որ գյուղացիները չեն տարբերում աջն ու ձախը: Այդ իսկ պատճառով նա հրամայեց՝ նավի մի կողմում ամրացնել սոխ, մյուսում՝ սխտոր: Հրամանները հնչում էին այսպես. «Ղեկը՝ դեպի սոխ» և «Ղեկը՝ դեպի սխտոր»: